Home

Ngak’ e piin yad ba adag ni ngar lease naged e binaw ko ETG (For those who still want to lease land to ETG)

Powaa – Ngak’ e piin yad ba adag

ni ngar lease naged e binaw ko ETG;

 

Thingar i fel’ i nang rom fan e pi thin ni baaray, ma ba t’uf ni ngam gay bee ni manang e motochiyal nge ayuwegnem:

  • N’umngin i nap’an e lease e ra yog ni nge negotiate nag (puruy’ nag) e ani tafen e binaw nge ani nge lease, ma dabi yoor ko 99 e duw.
  • Ani tafen e binaw e ra yog ni yog ko ETG e yu mit i n’en ni dabun ni ngan rin’ u daken’ i tafen ni ke lease nag.
  • Ani tafen e binaw e ra yog ni yog ko ETG ni nge dabi dachug yugu bee (third party) ngak’, (Other Project Participant “OPP”) ara pag yugu bee nge rin’ reb e marwel fa rin’ ni gubin e pin’en ni be rin’ e ETG u daken e binaw ni ke lease nag.
  • Ani tafen e binaw e ra yog ni nge gelfen ngay ni ngar partner gow e ETG ko business, nge un i maruweliy e Project activities me ngiyal’ ni ra yib e salpiy riy ma yow pag e f’oth ngay u rogon ni kar duguliyew ko somm’on.
  • Ani tafen e binaw e ra yog ni dabi pii e biney e mat’awun ko ETG ni nge siyeg ni dab kun pii e ngin ke lease nag, ngak’ yugu bee. Ku ra yog ni nge gel fen ko ETG nge par ni taab gelingrad e piin ku yad ba adag e ngi binaw nem.
  • Ani tafen e binaw e ra yog ni nge gelfen ni ngan uneg ko lease agreement ni nge dabi yan e ETG fa maruwel ko binaw nge madaa ko ngiyal’ ni kan review nag kan fanay e Master Plan rok’.
  • Ani tafen e binaw e ra yog ni yog u lan e lease ni ke dugil ni ngan fanay ni nge dabi yan e ETG nga tafen nge madaa ko ngiyal’ ni ke m’ay i toy e naun rok’. Ra yog ni ir e nge duguliy rogon e naun rok’ ni ngan toy.
  • Ani tafen e binaw e rayog ni nge chuweg yuyang ko re lease agreement ney nge yani aw ni dabi yog ni nge use nag e ETG e ngin ke thil ko motochiyal nge par ni yi goo ir e ra thilyeg e re lease agreement ney.
  • Ani tafen e binaw e nge par ni ir e ba mil suwon ngak’ gubin banen u daken fare gi binaw u nap’an ni ke m’ay e lease.
  • Ani tafen e binaw e ra yog ni re lease agreement ni ke dugul ni ngan sign nag ma bay riy ni faan mange ke buch ban’en ni ngan fek nga court, ma ngan pithig u Yap State Court, gathi FSM Supreme Court.
  • Ani tafen e binaw e ra yog ni nge yog ko ETG ni nge m’ay e bin m’on e lease, ma nga kur puruy’ gow bayay nga fin ra ngongliyew e bin biech e lease agreement.

a. Ani tafen e binaw e ra yog ni nge gelfen ngay ni nge munmun ma ngar sap gow e ETG nga pulwon e rent ni ra duguliyew ko somm’on, gonap’an e yu 15 fa yu 20 e duw, ngu nap’an ni ke m’ay e bin somm’on e lease (ni faan ku yi ra ngongoliy reb ni nge ul-ul ngay). Key riy e nge yog ni nga kun puruy’ bayay.

b. Ani tafen e binaw e rayog ni nge thilyeg e pin’en ni bay ko lease template, nge ni aw ni nap’an ra m’ay e bin somm’on e lease, ma yow gak e ETG nga taabyang ngar fal’egew e bin biech e lease agreement nge rogon i pulwon e rent riy.

c. N’en th’abi gaa fan e ra nga ni biech nag bayay e lease ma ani tafen e binaw e THINGAR i par ni ir e ba gel gelngin nge mat’awun, GATHI ETG.

Download Thin ni Waab PDF (111KB)
http://naturesway.fm/archives/etg/ccg/flyer/ver_3_waab.pdf

Download English PDF (107KB)
http://naturesway.fm/archives/etg/ccg/flyer/ver_3_en.pdf

*We deeply appreciate Nature’s Way for assisting and uploading the files. 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s