Home

Ngan SIYEG e Massive Tourism Investment ara pi marwel nib l’eg rogon ko tourism ni ka yigi Pag Gaangin; Ngan SIYEG e Land-grabs ara Liyab nag e Binaw!

vlcsnap-2013-03-29-15h40m26s156

Pic4

ETG (Exhibition & Travel Group), ba company nu China e ke plan nag ba project ni nge fal’eg e siyobay nib pag feni gaa, ni fen e tourist nga daken e chi donguch nu Waab ney ni ri 38 square miles ara 100 square kilometers gam’mun.  Yi be yog ni ETG e ra toy ba resort ni biyuu mbaa e senggil riy nge golf course nge casino. Re project nem ko ETG e dabisiy ni nge yog e binaw ni nge marwel u daken.  Ere ke ngongoliy e lease ko binaw ni 99 e duw, ma ku ra ul-ul 100 e duw nga tomuren.

Ra yib e biney e marwel ma ra gothey e milay’ nge maut nge day ni aram e yu ngin bay e damunmun rodad riy; ra magawon nag rogon e par rodad, me wagagey nag boch e yalen rodad. Pi yu Waab e de fel’ rogon i weliy chirarogon e re marwel nem ngorad ma dar uned i tay puruy’an ko somm’on, ma chiney e ku ke ni aw ni dariy mat’awrad ni ngar uned i weliy marungaagen.  Yug aray rogon ni be magar e girdii nu Waab ko re project ko ETG nem ma ku yi be yog ni de fel’ u wun’uy, machane Governor nge Council of Pilung e ka yad be ayuweg e ETG ko re marwel rorad nem.

Biney e ulung ni CCG ara “Concerned Citizen Group” nu Waab, e bay e magafan’ rorad ko yu miti magawon ni ra k’aring, ara girngiy e ETG nga daken e nam rodad. Ka nap’an e August 2012 i yib, ni bokum yay ni u ranod ra guyed ba yoor i chonggin e Am rodad nga rogned e magafan’ rodad ngorad; machane boch e pi tayugang’ nem e yad be fol ko ETG, dari motoyil gad ko wenig ko girdii rorad.

CHINEY e bay yu Waab u bangi ban’en nib tayoyowol, nib t’uf ni ngad ayuwegned tafedad (binaw) nge yalen ni nge dab ki gel e wagagey riy. Ere gadad e girdii nu Waab e ngad SIYEGNED e ETG! Ngan THANG e re investment agreement u thilin e ETG nge government rodad nem, nge repermit ni ke pii mat’awun e ETG ni nge marwel u Waab. Ngad sap gad nga fal’ngin e sustainable development, GATHI massive tourism fa land grabbing investment. Ayuw rom e rib t’uf ngodad.

Karim magar!

Ra nge fel’ i nang rom fan e pi magmagawon ney u pulwon e nam rodad, ma rayog ni ngam visitnag e bin baaray e web:

https://concernedyapcitizens.wordpress.com/2013/03/29/online-petition-say-no-to-massive-tourism-investment-say-no-to-land-grabs/

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s