Home

SIROO NINGU WELIY BOCH LANINUG NGOMED MA BIN RIYUL RIY E DARIY BOCH CHI ROGOG NGABAYANG, SIROO

 

 

DATE: 09/18/2012

TO: GOVERNOR, LEGISLATURE, AND COUNCIL OF PILUNG

SUBJECT: GUMERCHAA NI BAY E RUNGUY RIY NGE TUFEG

(Original Link)

SIROO NGAK GOVERNOR, CHONGINE LEGISLATURE, PILUNG NU WAAB, NGE GUBIN E GIRDII NU WAAB NI GAANGIN. SIROO NGOMED E PI TIUGAANG (TOLANG) KO AM NU WAAB NI ARAM E GOVERNOR NGE CHONGIN E LEGISTUER NGE TIN KUBAY E PAANIN E AM RODAD. SIROO YA GIMED E KAM PIED MATWUUG NI RAYOG NI NGOOG BOCH LANINUG NGOMED NGAM NANGED. DARIY BANEN NI NGOG U MARANGEN E (ETG) YA DARIY BANEN RIY NI GUMNANG MACHENE FALNGIN NGE KIRBUN E GUMANAG NI BAA, MA RIYUL NI GUBE RUS NGA KIRBUN NI RAYIB E MUUG BANGYAL YA GUMNANG NI RA GAFGOW E NAM NU WAAB RIY NGE GUBIN E GIRDII NU WABB. GOVERNOR KAMMAGAR YA MON NI NGA MU PAR NGA CHIYA ROM U OFFICE MA MICH U WUUNUG NI MU PAR NGA BUT NGAM LEM ME MAG U WUUNUM NI NGAM MANG MATAM ROG ARA CHITAMAG KAM MAGAR MA KE MAGNUG NGAY. FAN NI GUBE YOG E PI THIN NEY E GU MOTOYIL NGOM U MON NI NGA MU PAR NGA CHIYA U OFFICE MA KU ARAMFAN NI GUGOG FARAM U MON NI KAM PII MATWUUG NI RAYOG NI NGU WELIY LANINUG NGON NGAM NANG BOCH. GOVERNOR ARA CHITAMAG WENIG NGOM DAB MU NIGEG ARA MU GAFGOW NIGIGEG WENIG NGOM MU TIYEG NI GAG E BIN THIBI DUBUM U FITHIK E PIFAKAM ARA BIN THIBI ACHICHIG U BUGUL E PAAM NGE YOG NI GUUN NGOM KO PAR U DAKEN E NAM RODOW NI BA FEL ROGON NI DARIY E GAFGOW RIY. GOVERNOR GUR BEE NI GUMNANGEM YA GUR REB E SINSAY ROG U YAP HIGH SCHOOL MA GADOW MANANG DOW KEMUS NI CHINEY E DAKIRYOG NI NGAD NANGEW SALPADOW MACHENE CHINEY E GADOW BE NON MA NGAD NANGEW SALPADOW WENIG NGOM MA SIROO NGOM KO PI THIN NEY NI KU GOG FAAN RA BAY BA NEN RIY NIB KIREB ARA DE MATAW MA WENIG NGOM MU NAG FAN U WUUNUM YA FANAG BALYANG. MA GATHI GUBE MAGOW DALIB ARA KIREB NGA BANEN. UG MOTOYIL KO WELTHIN NI UN TAY U LEGISLATURE MA UG UN KO MAYOR NI E TAY E GIRDII. MAYOR NI UG TAY E FAN KO MAGFAN NGE KIRBAN ROG NGAK E GIRDII RODOW NU WAAB NGE GIRDII NI GUBIN NGE NAM NU WAAB NI FAAN RA YAN E BUCH NI RA FEK E (ETG) E KIREB NGA DAKEN YU WAAB BENGIYAL. GOVERNOR REB RIY E RIBRIYUL NI KE KIREBANUG.

NGOM KO THIN NI GU RUNGAAG NI FAN NGOM, GATHI GAG E FAN NGOG MACHENE KE GAFGOW GUMERCHEG RIY ERE GUBE THIMIY NI KU AROGON GUR. GOVERNOR SIROO NGOM MA GUBADAG NI NGU PII E ATHMIGIL NGA LANINUM YA MICH U WUNUG NI RAYOG ROM NI NGAM PILYEG E TIN NI KE KIREB U LINYAN E GIRDII NU WAAB NGE YAN E FEL BAYAY YA GIRDII NU WAAB NI GUBIN E ARAM URNGIN BUGULI PAAM NGE GILNGEM ERE GAB FANAY YU WAAB NI GAANGIN. SIROO MA KAMMAGAR GOD BLESS YOU.

LEGISLATURE, SIROO NGOMED CHONGIN E LEGISLATURE, GUBADAG NI NGU PINING E MAGAR NGOMED NI GIMED GUBIN KO TIN KAM RINED NI FAN KO NAM NU WAAB NGE GIRDII NU WAAB NI GUBIN NI GUB MUUN NGAY. KAMMAGAR GAD YA MON NI NGAM BAD NGA OFFICE MA MICH U WUUNUG NI MU PIRED NGA BUT NGAM LEM GAD U MON NI NGAM PIRED NGA CHIYA U OFFICE MA KI MAGANMED NGAY NI NGUMANG REB E BUGIL E PAAMED MA KURA YOG NI NGOG E MEN NI NGAM RINED BOCH, KE MAGANMED NGAY NI GIMED RA PII MATWUUG NI NGU WELIY BOCH LAANINUG NGOMED NGAM NANGED MA KE MAGANMED NGAY NI RAYOG NI NGOG E TIN NI DABUG NI GIMED BERIN ARA BANEN NI GUBE FINEY NI DEFEL ARA DEMATAW. SIROO MA WENIG NGOMED NI GIMED GUBIN YA GATHI NGOOG BANEN NI GIMED BE RIN NIB KIREB YA DAGNANG KO MANG, MACHENE GUBADAG NI NGU PUTHUY GUMERCHEG NGA GUMERCHMED NGE LANINUG NGA LININMED NGE YOG NIM NANGED BOCH LININUG NGE GAG MINII. U MON NI NGAM PIRED NGA CHIYA MA MOGNED NGAK YU WAAB NI KEMAGANMED NGAY NI NGE YOG E GIRDII NU WAAB KO MANG E NGAM RINED, RE BUG E THIN NEY E GATHI BAN YA BA RIYUL NI MOGNED ERE CHINEY E GUBE FINEY NI KE TAW NA NAPAN NI NGOG BOCH LANINUG NOMED NGAM NINGED. SIROO SIROO MA WENIG NGOMED DAB MU FANANIKAYED GAG ARA MU DUBYED DAKENAG KO TIN NI NGOG NI BE MAGAFANUG NGAY. GUBADAG MA BA TUF ROG NI GUMA MOTOYIL MA GUMA RUNGAAG LUNGMED U RADIO MACHENE MANGFAN NI GUBIN NGIYAL NI GIMED RA NON MA NGAM NONOD NI THIN NU BAYANG, MINNI U BAYANG E NGAM NOOD NGAK NGE NANG E NEN NI GAMED BE RIN ARA NGE NANG FAN E THIN NI GIMED BE YOG. FAANRA GIMED BE NON NGAK YU WAAB ARA GIRDII NU WAAB ARA GIMED BE MURWUELIY E MURWEL NI FAN NGAK YU WAAB MA WENIG MA SIROO NGOMED MU NOOD KO BIRODAD E THIN YA MICH U WUUNUG NI BAA BOCH E GIRDII NI DARI NANG FAN E THIN NI GIMED BE YOU NI GUB MUUN NGAY SIROO BAYAY YA GATHI GUBE GATHIBTHIB NAG MED ARA GUBE YOG NIB KIREB E MURWEL NI GIMED BE RIN MACHENE FAAN RA BAY KANOWEEN NI RAYOG NI NGAN RIN MERE SIROO MA WENIG.

SIROO YA IRRARAY REB E MAGFAN ROG MA KUBAARAY REB NI GUBADAG NI NGAN RIN BANEN

NGAY NI FAAN RA BA FEL NI NGAN RIN ARA MATAAW NI NGAN RIN. ROGON E BIROG E LEM E KE TUF FA KE TAW NGA NAPAN NI NGAN FELEG REB E MOTOCHIYAL NI FAN KO COUNCIL OF PILUN NU WAAB. WENIG MA SIROO NGOMED CHONGIN E LEGISLATURE YA GATHI GAG E NGOG E TIN NGAN RIN, KEMUS NI BOHCI LEM NI KE YIB NGOG MA GUBE FINEY NI KE TIF NI NGAN SAP NGAY E CHINEY. FAAN RA SAP ROMED NGE LEM ROMED E TAREB ROGON KO BIROG E LEN MA MAATAW NI NGAN RIN E RE MURWEL NEY YA SANA KE TUF NI NGE THIL CHONGIN E COUNCIL OF PILUNG KO PI FALAK NU ROY U WAAB U CHIYA FA REB E PILUNG NU ROY WAAB U CHIYA NI BOD ROGON NI YIMA TAWALIY E GOVERNOR RODAD NGE CHONGIN E LEGISLATURE RODAD. SIROO MA WENIG YA GATHI GAG E NGOOG MACHENE ERERAY BOCH E MAGFAN ROG NI KUG FEK E YIB NGA PEOCHMED PI WALEGEG NGE PE GIRDIEG NGE PI TAFGAR ROG NI NGAM PIIED E AYUW RIY. KEMUS MA KAMMAGAR GAD GOD BLESS YOU ALL.

CHAIRMAN, COUNCIL OF PILUNG FA CHIEF, SIROO SIROO YA GUR BEE NI BAGAA FAM NI THINGAR NI TAA FAM MACHENE GUR E KAMDAREFAN NIGEM NI BACHAN E MURWEL ROM NI DEFEL KAM FEK MATWUUM NGA BAYANG NI GATHI IRARAM MATWUUM MUS NGA LAN BINAW ROM MA KAM DARFANNAG NGE GIRDII RIY. FALAK ROM NGE PI BINAW NI BAY RIY NGE GIRDII RIY E KAM GAFGOW NAG RAD MA KAM DARIFAN NAG RAD KAFRAM E YIB KE MADAA KO CHINEY MERE KAM LEM NAG NI NGAKUM PAG REB E GAFGOW NIB GAA NGE YIB NGORAD NGE GIRDII NU WAAB NI GUBIN NIB MUUN E RENAM NU WAAB NEY NGAY! CHAIRMAN KO COUNCIL GUR BEE NI GUMNANGEM GUR BEE NI KAM NANG E THIN ROK GOD ERE IREYIR ROGON NI KE DAG NGOM NI NGAM RIN KO GIRDII KO FALAK ROM NGE GIRDII KO NAM ROM NGAM GAFGOW NAG RAD? YA GOD E BATUF E GIRDII ROK MA TAREBROGON E GIRDII U WAN ME GUR E GUR BEE NI KAGAB TUF ROK GOD MACHENE GABE PAGTILIN YA GUR BEE NI GAB TOLANGAN ERE DABEFEL YA KILYON E TAGAN. CHAIRMAN GUR BEE NI GAB KIREB YA KAM FELEG E KIREB MAG PAG NGA PAA E GOVERNOR NU WAAB NGE GAFGOW RIY NI GATHI KEMUS NI GOOGUR E GOVERNOR ROM YA GOVERNOR ROK YU WAAB NI GAANGIN. KAM MAN NGA DAKEN E NIFENG KAM MAN MU PAR NGA REB E NAM NGA UM MINMIN U WUUNUM NGOMAD YU WAAB, SANA BAY MANG BEE U WUUR FA? NAPAN E MOOLUNG KO FARE ULUNG NU WAAB NGE CHONGIN E LEGISLATURE ME YOG BEE NI GAAR (SANA BA CHIF NI DE YIB KO DAYIF RIY) MAB RIYUL E RE THIN NEM ARA RE THIN NEY. SANA KE TUF NI NGAM TOWEL GAD YU MAAP NGAN TAY BEE KO LIW NI YIB KO DAYIF RIY MA MANANG KO MANG E NGE RIN MA KU MANAG MATWUUN.

SIROO MA WENIG NGOM YA KAM AMITH NAG LININUG NGE GUMERCHEG MA GU BE SANA NGAY NI GATHI KE MUS NI GOOGAG. THANK YOU SO MUCH AND GOD BLESS YOU…

GUMERCHAEN NGE LEM KO GIRDII NIB TUF E NAM NU WAAB RORAD NGE GIRDII RIY

(Resource)

Website Manager’s Note:

In early October, a Yap State Citizen from the north part of the island sent two letters to Concerned Citizens group. The letters were written in Yapese, addressed to the state leaders (Yap State Governor, Yap State Legislature, and Council of Pilung), and to Concerned Citizens Group, respectively. We typed up one letter here. Please refer to the online dossier for downloading the PDF files of those two letters. (Link)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s